أنـا أبيــك ياعمــري ترا والله أنا شفقان
أبي أذوب بأحضانك ونعيد الفرح وسهراته
أبي تسقيني من الشفة لين أصير أنا سكران
حشا لله ما اسكــر بــس أذوب في قطــراته
أبي نسهر ونتسامر نعيد ذكرى لذيك الازمان
وأبي ياا زمن ترجع لنور العين ضحكاتـــه
أبي اجلس معاك كل يوم لين الصبح علينا يبان
أبي أضمك لين العقد يرسم على صدري نقشاته
متى يا نور عيني ألقاك ترا والله أنا ضميان
أبي اروي عيوني منك ويروى القلب وغاياته
فهمتني أنــــا احبــك دخيلك مـــا أبي خـــذلان
ترى بعدك أنا ما أقواه بيموت القلب بحسراته
تعــال قــرب مني ولا فــايـــــز ولا خسران
تعــال ارحـــل فيني لدنيــا الحـــب ومتاهاته
تعال بس ضمني تعال خذني بالأحضان
تعال اليوم دفيني ويذوب الحزن وعلاماته
تعال واحضن يدي وقول لي ترا يا فلان
أحبــــــك يــا بعـد قلبي كثـــر نبضـــه ودقاته
أحبـــــك إيــه احبــــــــك قولها ترا ولهان
ولهـــت لكلمة تسوى عمــري بكـــل لحظاته
