تبي ترجع تقول آسف... حبيبي خلص المشوار ....
خيانة أسم هالموقف وراعيها ترى غدار
خيانة قلبي مو سهلة تراها فـ حقي كبيرة
أنا لما هويتك قلت \"أحبك\" موكلام صغار
ولكن للأسف كلمة \"أحبك\" عندك صغيرة
أحبك تجري في دمي.. أحبك حكمة الأقدار
أحبك منهجٍ وافي رفض هالقلب تغيره
أثاري كلمتي عندك بلا قيمة .. بلا مقدار
وآثاري كل شي قلته كلامٍ مأخذ خيره
حسافة جفت أحلامي كما نخلٍ بدون ثمار
جفاف ٍ ساد هالخاطر .. خفوقي تم تدميره
مزيف حبّك الخاين خلاص انكشفت الأسرار
ختم غدرك بدا واضح وحبّك بان تزويره
تبي ترجع تقول آسف حبيبي خلص المشوار
خفوقي أنسى عنوانه ودوّر لك على غيره
بعد ما كنت لك شمعة أبحجب عنّك النوار
عشان تعرف أنوارك سببها كانت \"منيرةلأنك بعت أحساسي بلا وزن وبلا معيار
لأنّك خنت حبي لك وعطفي وكل تقديره
خلاص توكل وفارق بلا كلمة بلا أعذار
خيانة قلبي مو سهلة تراها فـ حقي كبيرة
